Birlesken Arab Ámirlikleriniń Dubay qalasında “Sud basqarıwınıń xalıqaralıq tendenciyaları” temasında xalıqaralıq konferenciya bolıp ótti.

Xalıqaralıq sud basqarıwı associaciyası (IACA) tárepinen shólkemlestirilgen xalıqaralıq ánjumanda Ózbekstan Respublikası Sudyalar joqarı keńesiniń aǵzaları da qatnastı.
Alpıstan aslam mámleketten kelgen 300 ge shamalas delegatlardıń qatnasıwında ótken xalıqaralıq ánjumanda sud basqarıwınıń áhmiyeti hám sud islerin kóriwde jasalma intellektti engiziw máseleleri dodalanıp, óz-ara tájiriybe almasıldı.
Ózbekstan Sudyalar joqarı keńesiniń aǵzaları Xurshid Sodiqov, Husniddin Kamolov “Jasalma intellektti basqarıwda xalıqaralıq standartlardıń ornı” atamasında shıǵıp sóyledi. Ózbekstanda ámelge asırılıp atırǵan sud-huqıq reformaları haqqında hár tárepleme maǵlıwmat berildi. Bul tarawda erisilip atırǵan jetiskenlikler ilaj qatnasıwshıları tárepinen tán alındı.
Esletip ótemiz, Sudyalar joqarı keńesi Sud basqarıwı xalıqaralıq associaciyası (IACA) aǵzalıǵına 2024-jılı qabıl etilgen

Norgul ABDURAIMOVA, ÓzA