Nókis qalasında sporttıń Regbi – 7 túrinen 13 jastaǵı balalar hám qızlar arasında Qaraqalpaqstan chempionatı bolıp ótti.

CHempionatqa respublikamızdıń barlıq qala hám rayonlarına komandalar qatnasıp, jeńimpazlıq ushın óz-ara bellesti.
Qızǵın bellesiwlerge bay bolǵan jarıs juwmaǵında, balalar arasında birinshi orındı Respublikalıq sporttıń jeńil atletika sport túrlerine qánigelestirilgen sport mektebi oqıwshıları jeńip alıwǵa miyasar boldı.
Sıylı ekinshi hám úshinshi orınlar Beruniy hám Shomanay rayonlarınan kelgen jas óspirimlerge nesip etti.
Al, qızlar arasında ótkerilgen oyınlardıń finalında Ámiwdárya rayonınan kelgen oqıwshılar Nókis qalası 2-sanlı sport mektebi tárbiyalanıwshıları menen ushırasıp, onda ámiwdáryalı sportshılar jeńiske eristi hám chempionat jeńimpazına aylandı.
CHempionattıń qola medalın bolsa, Nókis rayonı komandası jeńip aldı.

Adilbay Orazov,
Qaraqalpaqstan xabar agentligi sholıwshısı.