“Milliy tiklanish” demokratiyalıq partiyası Qaraqalpaqstan Respublikası Keńesiniń baslaması menen Nókis garnizonındaǵı Mobilizaciyalıq shaqırıw rezervi batalonında 18-noyabr – Ózbekstan Respublikası Mámleketlik bayraǵı qabıl etilgen sánege baǵıshlanǵan “Bir Watan, bir el, bir bayraq!” súreni astında ruwxıy-aǵartıwshılıq ilaj shólkemlestirildi.

Ilajda Qaraqalpaqstan Respublikası Joqarǵı Keńesiniń deputatı Olga Niyazova qatnasıp, mámleketlik bayraqtıń tariyxıy áhmiyeti, onıń elimiz turmısındaǵı ornı hám jaslardı watansúyiwshilik ruwxında tárbiyalawdaǵı roli haqqında óz pikirlerin bildirdi.
Sonday-aq, ilaj dawamında belsene qatnasqan áskeriy xızmetkerler hám jaslar ayrıqsha atap ótilip, olarǵa minnetdarshılıq xatları hám estelik sawǵaları tapsırıldı. Álbette, bunday ilajlar ѳz gezeginde jaslardı Watanǵa sadıqlıq, mámleketlik belgilerge ele de húrmet ruwxında xızmet etiwge iytermeleydi.
Ilaj dawamında atqarılǵan muzıkalıq baǵdarlamalar, jıynalǵanlarǵa bayram keypiyatın inam etti.

Qaraqalpaqstan xabar agentligi