17-noyabr – Xalıqaralıq studentler kúni

Mámleketimizde keyingi jılları joqarı bilimlendiriw sistemasın rawajlandırıw, jaslar ushın keń imkaniyat hám zárúr sharayatlar jaratıwǵa ayrıqsha itibar qaratıldı. Nátiyjede joqarı oqıw orınlarınıń qamtıp alınıwı keńeyip, jáhán standartlarına múnásip bilimlendiriw processleri qáliplesti.
Elimizde JOOlardıń sanı 8 jıl ishinde 77 den 205 ke jetti (101 mámleketlik, 31 sırt el hám 73 mámleketlik emes). Studentler sanı 2017-jıldaǵı 279 mıńnan búgingi kúnde 1,5 millionnan astı. Bul – mámleket xalqınıń derlik 4 procentin quraydı. Studentler respublikamızdaǵı 205 joqarı bilimlendiriw mákemesinde bilim almaqta.
Sonday-aq, Ózbekstan JOOlarında 16 597 sırt elli student bilim almaqta, olardıń 11 mıńnan aslamı medicina baǵdarında oqımaqta.
Búgin, 17-noyabr – Xalıqaralıq studentler kúni.
Esletip ótemiz, bul kún 1946-jıldan berli keńnen belgilenip baslanǵan. Bayram chexiyalı watansúygish studentleriniń esteligine baǵıshlanıp engizilgen. 1946-jıl 17- noyabr kuni Praga qalasında pútkil dúnya studentler kongresinde tastıyıqlanǵan.

A.RUSTAMOV, ÓzA