Ámiwdárya rayonında jaylasqan “Nukus Dilisha” JShJ kárxanası tárepinen búgingi kúnde isbilermenlik subektlerine jaratılıp atırǵan sharayatlardan utımlı paydalanılmaqta. Onda 31 puqara ushın jańa jumıs orınları ashılǵan.

Kárxana ushın un islep shıǵarıw joybarı boyınsha 17,1 mlrd. sumlıq sırt el investiciyaları tartılǵan bolıp, jılına 10 mıń tonna un ónimlerin islep shıǵarıw quwatlılıǵına iye.
Bajıxana basqarmasınıń juwapker xızmetkerleri tárepinen “bajıxana aymaǵında qayta islew” bajıxana rejiminiń abzallıqları túsindiriliwi nátiyjesinde, búgingi kúnde kárxana biyday ónimlerin alıp kelip qayta islew jumısların ámelge asırmaqta.
Usı kúnge shekem bahası 210 mıń AQSh dollarlıq 980 tonna biyday ónimleri “Bajıxana aymaǵında qayta islew” bajıxana rejimine rásmiylestirilip eksportqa baǵdarlanıwı rejelestirilgen.
Bajıxana basqarmasınıń juwapker xızmetkerleri joybardıń ámelge asırılıw processlerin ornına shıqqan halda úyrendi. Ushırasıw dawamında juwapkerler kárxana wákilleri menen sóylesiw ótkerip, kárxananıń óndiris processlerin jetilistiriw, sonday-aq, tayar ónimlerdi eksport etiwde “Eksport 3-adım” baǵdarlamasınan nátiyjeli paydalanıw usınıs etildi.

Qaraqalpaqstan xabar agentligi