Oman Sultanlıǵı “Al-Saqafiya” (“Mádeniyat”) telekanalında elimizdiń turistlik potencialına baǵıshlanǵan kórsetiw efirge berildi.

Baǵdarlamanıń basında tamashagóylerge Watanımızdıń geografiyalıq jaylasıwı, ótmishi, tábiyatı, qádiriyatları, xalqı haqqında prezentaciya kórsetildi. Tiykarǵı itibar áyyemgi qalalar, xalqımızdıń kóp ásirlik tariyxı, úrp-ádetleri, arxitekturalıq jetiskenlikleri hám turmıs tárizi haqqında bahalı maǵlıwmatlar beretuǵın esteliklerge qaratıldı.

Ózbekstanda turizmdi rawajlandırıw, infrastrukturanı jetilistiriw hám modernizaciyalaw, miymanlarǵa xızmet kórsetiwdiń sapasın jaqsılaw hám qolaylı sharayat jaratıw boyınsha ámelge asırılıp atırǵan jumıslar haqqında tolıq maǵlıwmat berildi. Baslawshı uzaq tariyxqa iye, xalqımızdıń kóp jıllıq tájiriybesine tiykarlanǵan milliy taǵamlarımızdıń tayarlanıwı hám awqatlanıw mádeniyatına toqtap ótip, úrp-ádet hám dástúrler aymaqtıń ıqlım sharayatı, jergilikli xalıqtıń turmıs tárizinen kelip shıqqanına itibar qarattı.
Sheber súwretshi tárepinen sorpa, laǵman, mantı, ózbek kebabı, dástúriy taǵam – palaw pisiriw procesi haqqındaǵı kórinis tamashagóylerge unadı. 2016-jılı palaw tayarlaw mádeniyatı hám dástúrleri YuNESKOnıń Materiallıq emes mádeniy miyrası dizimine kirgizilgeni atap ótilgen.

Muharrama Pirmatova,
ÓzA