Qońırat rayonında da “Jasıl mákan” joybarı sheńberinde abadanlastırıw jumısları ámelge asırılmaqta.

Qońırat awıl puqaralar jıyını aymaǵında “Máhálle abat – el abat!” súreni astında “Jasıl mákan” ulıwma milliy joybarı sheńberinde keń kólemli abadanlastırıw hám kóklemzarlastırıw jumısları alıp barıldı.
Ilajǵa Ózbekstan máhálleleri awqamı Qońırat rayonı bóliminiń baslıǵı S.Usenov hám máhálle baslıqları qatnastı.
Ilaj dawamında shıǵıp sóylegenler xalıqtıń bul iygilikli baslamalarda belsene qatnasıwı, hár bir aymaqta baǵ jaratıw, egislik maydanlardı óz waqtında tárbiyalaw hám nállerdi suwǵarıw zárúrligin atap ótti.
Bunnan soń qatnasıwshılar tárepinen hár qıylı sayamanlı hám miyweli terek nálleri egildi.

Qaraqalpaqstan xabar agentligi