Qaraqalpaqstan Respublikası Qurılıs hám turaq jay kommunallıq xojalıǵı ministri K.Aytbaev Germaniyanıń “Arepo” shólkemi bas konsultantı Aleksandra Bussler menen ushırastı.

Ushırasıw dawamında Nókis qalasında kóp qabatlı turaq jay imaratınıń energiya nátiyjeliligin arttırıw boyınsha modernizaciyalaw joybarın ámelge asırıw máseleleri dodalandı.
Tárepler usı joybar sheńberinde ámelge asırılatuǵın texnikalıq-ekonomikalıq ilajlar, sonday-aq, energiya únemlewshi texnologiyalardı engiziw boyınsha keń kólemli sóylesiwler alıp bardı.
Sonday-aq, “Arepo” shólkemi tárepinen joybardı qarjılandırıw dereklerin anıqlaw, sırt el grantları hám investiciyaların tartıw, sonday-aq, texnikalıq-ekonomikalıq tiykarlardı islep shıǵıw boyınsha birgelikte islesiwge kelisip alındı.
Ushırasıw juwmaǵında tárepler joybardı basqıshpa-basqısh ámelge asırıw rejesi hám keyingi birge islesiw baǵdarların belgilep aldı.

Qaraqalpaqstan xabar agentligi