Ózbekstan erik jetistiriw hám eksportı boyınsha dúnyada ekinshi orında, sonday-aq, shabdal jetistiriwde de tiykarǵı orınlardı iyelemekte.

Bul haqqında Agrosanaattı rawajlandırıw agentligi málimleme xızmetiniń basshısı Wǵiloy Boltaboeva málim etti.
Atap ótilgenindey, mámleketimizde intensiv baǵlar kóbeymekte. 2024-2025-jıllarda respublika boyınsha jámi 43,2 mıń gektar sanaatlasqan intensiv miyweli baǵ hám júzim baǵları jaratılmaqta.
Bunda jetekshilik etip atırǵan eń iri aymaqlar Namangan, Jizzaq, Samarqand, Surxandárya, Ándijan wálayatları bolıp esaplanadı.
Sonıń ishinde, elimizde 9 ayda 1,6 million tonna miywe ónimleri 1,5 milliard dollar bahada 70 ten aslam mámleketke eksport etildi.
Jańa baǵlardıń 2-3 jıl ishinde zúráátke kiriwin esapqa alsaq, jaqın 3-5 jılda miywe eksportınıń kólemi keminde 30 procentke artıwı kútilmekte.
Maǵlıwmatlarǵa bola, Ózbekstan erik jetistiriw boyınsha dúnyada Túrkiyadan keyin ekinshi orında bolsa, erik eksportı boyınsha Italiyadan keyin ekinshi orındı iyeledi.
Sonday-aq, chereshnya, júzim hám shabdal eksportı boyınsha da jetekshi mámleketler qatarındabız.

Gulnoza Boboeva, ÓzA