Shanxay birge islesiw shólkemine aǵza mámleketlerdiń wákilleri kóp tárepleme sawda-ekonomikalıq birge islesiw baǵdarlamasın ámelge asırıw boyınsha 2026-2030-jıllarǵa mólsherlengen háreketler rejesin kelisip aldı, dep xabar bermekte “RIA Novosti” basılımı.

– Usı jıldıń 10-12-noyabr kúnleri Rossiya tárepiniń basshılıǵında videokonferenciya túrinde strukturaǵa aǵza mámleketlerdiń kóp tárepleme sawda-ekonomikalıq birge islesiw baǵdarlamasın ámelge asırıwǵa baylanıslı 2026-2030-jıllarǵa mólsherlengen ilajlar rejesiniń joybarın kelisiw boyınsha ekspertler toparınıń májilisi bolıp ótti, – delinedi ShBSh sekretariatınıń bildiriwinde.
Atap ótiliwinshe, ilaj dawamında wákillikli wákiller 2025-jıl 18-noyabr kúni Moskvada bolıp ótetuǵın ShBShǵa aǵza mámleketler húkimet basshıları keńesiniń májilisi juwmaqları boyınsha qol qoyıw usınıs etilip atırǵan hújjetler dizimine kirgizilgen reje tekstin kelisip alǵan.

G.Sattorova, ÓzA