Mámleketimizde hár hápteniń juma kúnleri ótkeriliwi jaqsı dástúrge aylanǵan milliy kiyimge húrmet kórsetiw ilajlarında elektr energiyası támiynatı kárxanalarınıń xızmetkerleri de belsene qatnaspaqta.

Búgin Taxtakópir rayonlıq elektr tarmaqları jámááti de óz jumıs orınlarına milliy kiyimlerde kelip, chellendjdi qollap-quwatladı.
Atap ótilgenindey, kiyimler insannıń ómirin bezeydi, estetikalıq zawıq baǵıshlaydı, xalıqtıń ózligin kórsetedi hám hár qıylı tábiyǵıy sharayatlarda jasawı ushın qolaylıq jaratadı. Al, milliy lipaslardaǵı ózine tánlik bolsa, millettiń qáliplesiwi menen baylanıslı bolıp, onda sol xalıqtıń jasaytuǵın aymaǵı, turmıs tárizi úlken áhmiyetke iye.
Elimizde de áne usınday ózgeshelikler tiykarında milliy kiyimlerimiz jaratıldı hám ol uzaq jıllıq tariyxqa iye.
Álbette, bul baǵdardaǵı ilajlar úrp-ádet hám dástúrlerimizdiń saqlanıp, áwladlarǵa qalıwında áhmiyeti joqarı.

Qaraqalpaqstan xabar agentligi