Мамлакатимизда ҳар ҳафтанинг жума кунлари ўтказилиши яхши анъанага айланган миллий либосга ҳурмат кўрсатиш тадбирларида электр энергияси таъминоти корхоналари ходимлари ҳам фаол иштирок этмоқда.

Бугун Тахтакўпир тумани электр тармоқлари жамоаси ҳам ўз иш жойларига миллий кийимларда келиб, челленжни қўллаб-қувватлади.

Таъкидланганидек, кийимлар инсон ҳаётини безайди, эстетик завқ бағишлайди, халқнинг ўзлигини намоён этади ва турли табиий шароитларда яшаши учун қулайлик яратади. Миллий либослардаги ўзига хослик эса, миллатнинг шаклланиши билан боғлиқ бўлиб, бунда ўша халқнинг яшайдиган ҳудуди, турмуш тарзи катта аҳамиятга эга.

Юртимизда ҳам ана шундай ўзига хосликлар асосида миллий либосларимиз яратилди ва у узоқ йиллик тарихга эга.

Албатта, бу борадаги тадбирлар урф-одат ва анъаналаримизнинг сақланиб, авлодларга етиб боришида аҳамияти катта.

Қорақалпоғистон ахборот агентлиги