Mámleketimiz basshısınıń tapsırmasına muwapıq, wálayatlar Aralboyın sociallıq-ekonomikalıq rawajlandırıwdı jedellestiriw maqsetinde Qaraqalpaqstandaǵı rayonlarǵa biriktirilgen.

Usı tiykarda Buxara wálayatı da óz tájiriybesi tiykarında Xojeli rayonın bunnan bılay da rawajlandırıwǵa járdemlesip kelmekte.
Qaraqalpaqstan Respublikasınıń Xojeli rayonında medicinalıq xızmet kórsetiwdiń sapasın hám xalıqtıń salamatlıǵın jaqsılaw maqsetinde Buxara wálayatınan tájiriybeli qánigeler tartılǵan.
Buxara wálayatı densawlıqtı saqlaw basqarmasınıń baslıǵı Elyor Oltiev basshılıǵındaǵı 30 buxaralı shıpakerlerden ibarat jumısshı topar Qaraqalpaqstan Respublikasına jetip keldi.
Sapardan tiykarǵı maqset – Xojeli rayonında jergilikli qánigeler menen birgelikte 50 ge shamalas joqarı texnologiyalı xirurgiyalıq ámeliyatlardı ótkeriw, salamat turmıs tárizin úgit-násiyatlaw, mektepke shekemgi hám mektep bilimlendiriw sistemasındaǵı balalardıń salamatlıǵın tekseriw, sonday-aq, jergilikli shıpakerlerge ámeliy kónlikpeler beriwden ibarat.
Esletip ótemiz, bul ámeliy processler 13-20-noyabr aralıǵında bolıp ótedi.

Qaraqalpaqstan xabar agentligi.