Google Evropadaǵı eń iri investiciyalıq joybarın Germaniya menen birge ámelge asıradı. Yaǵnıy, kompaniya eski kontinentte 2029-jılǵa shekem 5,5 milliard evro qarjı menen jasalma intellekt hám kosmoslıq texnologiya infrastrukturasın keńeytedi. Bul baslama sheńberinde Frankfurt janındaǵı Ditcenbaxda jańa maǵlıwmatlar orayı qurıladı, Xanaudaǵı kampus keńeytiledi, Berlin, Frankfurt hám Myunxendegi ofisler modernizaciyalanadı. Myunxendegi tariyxıy Arnulf Post imaratı bolsa 30 000 kvadrat metrli innovaciyalıq orayǵa aylandırılıp, 2 000 xızmetker ushın jumıs ornı jaratıladı.

Google usı arqalı Germaniya jalpı ishki ónimine hár jılı shama menen 1 milliard evro qosıw, jáne 9 mıń jumıs ornın ashıw niyetinde. Germaniya húkimeti kirgiziletuǵın investiciyanı “innovaciya, AI hám jasıl ekonomika keleshegine isenim” dep atadı.
Jańa oraylar Mersedes-Benz sıyaqlı iri kompaniyalarǵa tezirek hám qáwipsizrek jasalma intellekt xızmetinen paydalanıw imkaniyatın beredi.
Sonıń menen birge, “suveren hawa xızmeti”n rawajlandırıp, Evropa mámleketleri málimleme qáwipsizligin bekkemleydi.
Kompaniya 2030-jılǵa shekem 100 procent uglerodsız energiya dereklerine ótiwdi rejelestirgen. Dicenbaxtaǵı orayda shıǵındı jıllılıqtı qayta paydalanıw arqalı 2 mıńnan aslam úydi ısıtıw imkaniyatın beretuǵın sistema engiziledi.
Sonday-aq, Google sanlı bilimlendiriw hám kodlaw baǵdarlamaların qollap-quwatlap, mekteplerde STEM joybarların qarjılandırıwdı baslaydı. Usı tárizde kompaniya Germaniyada tek ǵana texnologiyalıq emes, al sociallıq tarawda da óz tásirin keńeytiw maqsetin gózlegen.

Muslim Ziyo, ÓzA