Ózbekstan Respublikası Ministrler Kabineti “Ózbekstan Respublikası Húkimetiniń ayırım qararlarına “máhálle jetiligi” imkaniyatlarınan paydalanǵan halda xalıq arasında salamat turmıs tárizin úgit-násiyatlawdı jedellestiriwge qaratılǵan qosımshalar kirgiziw haqqında” qarar qabıl etti.

Oǵan muwapıq, Ózbekstan Respublikası Prezidentiniń “Jámiyetlik sport túrlerin rawajlandırıw hám qábiletli jaslardı tańlap alıw sistemasın jetilistiriw ilajları haqqında”ǵı 2024-jıl 4-dekabrdegi PQ-421-sanlı qararınıń orınlanıwın támiyinlew maqsetinde Ózbekstan Respublikası Húkimetiniń:
“máhálle jetiligi” imkaniyatlarınan paydalanǵan halda xalıqtı jámáátlik sport túrlerine tartıw arqalı salamat turmıs tárizin úgit-násiyatlaw;
eń áhmiyetli nátiyjelilik kórsetkishlerine (KPI) erisiw boyınsha jumıs rejelerin islep shıǵıwda xalıqtı jámáátlik sport túrlerine tartıw normalarına ayrıqsha itibar qaratıw;
xalıqqa salamat turmıs tárizin úgit-násiyatlawda belsendilik kórsetken shaxslardı hár tárepleme xoshametlewdi názerde tutatuǵın qosımshalar kirgiziledi.
Eki ay múddette “máhálle jetiligi” aǵzalarınıń jumısın eń áhmiyetli nátiyjelilik kórsetkishleri (KPI) boyınsha bahalaw metodikasına tiyisli ózgerisler hám qosımshalar kirgiziledi.
Qararǵa bola, Ministrler Kabinetiniń “Wálayatlar, qalalar hám rayonlar hákimlikleri basqarıw apparatları haqqındaǵı úlgi rejelerdi tastıyıqlaw haqqında”ǵı 2016-jıl 27-apreldegi 123-sanlı qararında:
a) 1-qosımshanıń 6-bánti tómendegi mazmundaǵı on altınshı abzac penen toltırıladı:
“aymaqta xalıqtı jámáátlik sport túrlerine tartıw, usı tarawda belsendilik kórsetken shaxslardı hár tárepleme xoshametlew boyınsha ámeliy ilajlardı islep shıǵıw hám ámelge asırıwdı shólkemlestiriw”;
b) 2-qosımshanıń 6-bánti tómendegi mazmundaǵı on tórtinshi abzac penen tolıqtırıladı:
“aymaqta xalıqtı komandalıq sport túrlerine tartıw, usı tarawda belsendilik kórsetken shaxslardı hár tárepleme xoshametlew boyınsha ámeliy-ilajlardı islep shıǵıw hám ámelge asırıwdı shólkemlestiriw”;
v) 3-qosımshanıń 6-bánti “aymaqta xalıqtı komandalıq sport túrlerine tartıw, usı tarawda belsendilik kórsetken shaxslardı hár tárepleme xoshametlew boyınsha ámeliy-ilajlardı islep shıǵıw hám ámelge asırıwdı shólkemlestiriw”.
Ministrler Kabinetiniń 2024-jıl 31-iyuldegi 463-sanlı qararı menen tastıyıqlanǵan Jergilikli atqarıwshı hákimiyat uyımları basshıları orınbasarlarınıń jumısın eń áhmiyetli nátiyjelilik kórsetkishleri tiykarında bahalaw tártibi haqqındaǵı rejeniń 5-bánti tómendegi mazmundaǵı ekinshi abzac penen tolıqtırıladı:
Onda aymaqtıń komandalıq sport túrleri boyınsha sport jarıslarındaǵı nátiyjeleri hám xalıqtı komandalıq sport túrlerine tartıw normalarına ayrıqsha itibar qaratıladı.

ÓzA