Bul sáne hár bir ónim, xızmet yamasa jumıs procesinde sapaǵa umtılıw qanshelli áhmiyetli ekenin esletip turadı.

Sapa – bul tek ǵana ónimniń shıraylı kórinisi yamasa xızmettiń tez orınlanıwı emes. Ol – isenim, qáwipsizlik hám turaqlılıqtıń belgisi. Sapalı ónim islep shıǵarǵan yamasa sap xızmet kórsetken isbilermen bárinen burın adamlardıń isenimine erisedi.
Elimizde de bul baǵdarda izbe-iz jumıslar ámelge asırılmaqta.
Básekini rawajlandırıw hám tutınıwshılardıń huqıqların qorǵaw komiteti tárepinen sapanı arttırıw, ádil báseki ortalıǵın jaratıw hám tutınıwshılardıń máplerin qorǵaw boyınsha keń kólemli ilajlar ámelge asırılmaqta.
Komitet juwapkerleri bazardaǵı ónim hám xızmetlerdiń sapasın qadaǵalaw, satıwdaǵı ónimlerdiń belgilengen standartlarǵa muwapıqlıǵın tekseriw, sonday-aq, tutınıwshılardıń huqıqları buzılıw jaǵdaylarına shek qoyıw boyınsha turaqlı monitoringler alıp barmaqta.
Bul jumıslar tek ǵana bazardaǵı básekini salamatlastırıp qoymastan, al islep shıǵarıwshılardı sapaǵa ayrıqsha qatnasta bolıwǵa shaqıradı.
Sapaǵa umtılıw – hár birimiz ushın juwapkershilik. Sebebi hár bir ónimniń artında insan miyneti, juwapkershiligi hám isenimi jámlengen.

Nigora Rahmonova, ÓzA