Ázerbayjan Respublikası Konstituciyasınıń qabıl etilgenine 30 jıl tolıwı hám mámlekette “Konstituciya hám suverenitet jılı” dep járiyalanıwı múnásibeti menen Baku qalasında “Zamanagóy huqıqıy sistemalarda Konstituciya hám nızam ústinligi” temasında xalıqaralıq konferenciya bolıp ótti.

Ázerbayjan Konstituciyalıq sudınıń baslaması menen ótkerilgen bul ánjumanda xalıqaralıq shólkemlerdiń wákilleri, ombudsmanlar, konstituciyalıq sudlardıń wákilleri, ilimpazlar hám izertlewshiler qatnastı.
Ilajda Ózbekstan Ombudsmanı Feruza Eshmatova da qatnasıp, “Konstituciyalıq qádiriyatlar hám insan huqıqları: globallıq tendenciyalar hám shaqırıqlar” atamasındaǵı sessiyasında Ózbekstanda insan huqıqların támiyinlew hám nızam ústinligin bekkemlew baǵdarındaǵı tájiriybe haqqında bayanat jasadı.
Ol óz sózinde mámleketimizde ámelge asırılıp atırǵan konstituciyalıq reformalar hám olardıń ámeliy nátiyjeleri haqqında hár tárepleme maǵlıwmat berdi. Bayanat qatnasıwshılarda úlken qızıǵıwshılıq oyattı hám Ózbekstan tájiriybesiniń xalıqaralıq jámiyetshilikte tán alınıwın tastıyıqladı.

N. Abduraimova, ÓzA