Dúnyada muzıkalı shıǵarmalar kóp. Olardıń hár qıylılıǵı hám ráńbáreńligine qaramastan, bári bir ózbek milliy muzıkasınıń naması hám tartımlılıǵı biz ushın oǵada qádirli hám áziz. Ózbekstan mámleketlik konservatoriyası jáne bir úlken muzıka keshesine basshılıq etti.

Ózbekstan mámleketlik simfoniyalıq orkestri janındaǵı Xor jámááti “Jol bolsın” atamasındaǵı koncert baǵdarlamasın tamashagóyler itibarına usındı.
Koncert baǵdarlamasında xormeyster Yulduz Husnitdinova basshılıǵındaǵı Ózbekstan mámleketlik simfoniyalıq orkestriniń Xor jámááti tárepinen “Erik gúllegende”, “Hey, Quyosh”, “Oh kim, rehim áylemes”, “Íshqıńda” “Nawrız sálemi” hám usı sıyaqlı muzıkalı shıǵarmalar, sonday-aq, “Sum bala” kinofilminen muzıkalı úlgi, “Shashmaqam”, ózbek xalıq qosıqlarınan xor ushın beyimlestirilgen muzıkalı shıǵarmalar tamashagóylerge usınıldı.
Koncert juwmaǵında ıqlasbentlerdiń dawamlı alǵısı shın mánisinde koncert baǵdarlaması joqarı kórkemlik dárejede bolıp ótkenin jáne bir márte kórsetti.
Ózbekstan mámleketlik simfoniyalıq orkestri janındaǵı Xor jámááti tek ǵana elimizde emes, al, Qazaqstan, Rossiya, Gruziya, Túrkiya, Qubla Koreya, Qıtay, Serbiya, Bolgariya, CHernogoriya, Xorvatiya, Portugaliya sıyaqlı mámleketlerde festival hám koncert baǵdarlamalarına qatnasıp kelmekte.

N.Usmonova, ÓzA