Taw-kán sanaatı hám geologiya tarawı mámlekettiń ekonomikalıq rawajlanıwında áhmiyetli orın iyeleydi. Mineral shiyki zat bazasın bekkemlew, tábiyǵıy baylıqlardı nátiyjeli ózlestiriw hám qayta islew processlerine aldınǵı texnologiyalardı engiziw tarawdı jańa basqıshqa alıp shıqpaqta.

Bul baǵdarda xalıqaralıq birge islesiwdi keńeytiw, atap aytqanda, jetekshi sırt el kompaniyaları menen tájiriybe almasıw hám birgeliktegi joybarlardı ámelge asırıw da áhmiyetli wazıypalardan biri bolıp esaplanadı.
Usı mánide, “China Coal Resources Development Group” kompaniyası basshısı basshılıǵındaǵı delegaciya menen bolıp ótken ushırasıw tarawdaǵı birge islesiw baylanısların rawajlandırıwda úlken áhmiyetke iye.
Onda taw-kán sanaatı hám geologiya ministri Bobir Islomov hám ministrliktiń juwapker xızmetkerleri “China Coal Resources Development Group” kompaniyasınıń basshısı Lyu Goshen basshılıǵındaǵı delegaciya birge islesiw perspektivaları haqqında sóz etti.
Tárepler óz-ara paydalı birge islesiwdi jolǵa qoyıw tek ǵana kómir sanaatı emes, al pútkil kánshilik tarawınıń rawajlanıwına xızmet etetuǵının atap ótti. Sonıń menen birge, energiya nátiyjeliligin arttırıw, ekologiyalıq turaqlı óndiristi támiyinlew hám kadrlar potencialın arttırıw boyınsha birgeliktegi baǵdarlamalardı ámelge asırıw da ayrıqsha áhmiyetke iye.
Ushırasıwda “China Coal Resources Development Group” penen birgelikte kómir qazıp shıǵarıw hám qayta islewde zamanagóy texnologiyalar tiykarında nátiyjelilikti arttırıw, innovaciyalar hám transformaciya boyınsha aldıńǵı texnologiyalardı tarawǵa engiziw boyınsha pikir alısıldı.
Tárepler birge islesiwdi keńeytiw, birgeliktegi joybarlardı ámelge asırıw hám keleshektegi baylanıslardı bekkemlew boyınsha kelisim memorandumına qol qoydı.
Ministrlik málimleme xızmetiniń xabarına bola, qol qoyılǵan kelisim memorandumı Ózbekstan hám Qıtay arasındaǵı ekonomikalıq birge islesiwdi jańa basqıshqa alıp shıǵıwǵa xızmet etedi. Sonday-aq, ol keleshekte kánshilik tarawında innovaciyalıq texnologiyalardı engiziw, óndirislik quwatlıqların arttırıw hám mineral resurslardan aqılǵa uǵras paydalanıwdı támiyinlewge tiykar jaratadı.

N.Ziyodullaeva,
ÓzA