Qaraqalpaqstan Respublikası Ministrler Keńesiniń Baslıǵı Farhod Ermanov Ózbekstan Respublikası Prezidentiniń 2025-jıl 8-oktyabr kúngi PP-181-sanlı pármanı tiykarında shólkemlestirilgen, Prezident Administraciyası baslıǵı tárepinen tastıyıqlanǵan 47-sanlı tapsırma protokolınıń orınlanıwın támiyinlew maqsetinde, ıssıxana jumısı menen shuǵıllanıwshı isbilermenler menen ushırasıw ótkerdi.

Onda taraw wákilleri, juwapker ministrlikler hám uyımlardıń basshıları, sonday-aq, ıssıxana jumısı menen shuǵıllanıwshı isbilermenler qatnastı.
Ushırasıwda Ministrler Keńesiniń Baslıǵı tárepinen Prezident pármanınıń áhmiyeti, ıssıxana xojalıqları ushın jaratılıp atırǵan qolaylı sharayatlar, salıq hám bajıxana jeńillikleri, isbilermenlikti qollap-quwatlaw boyınsha ámelge asırılıp atırǵan reformalarǵa toqtap, ilaj qatnasıwshılarına tolıq maǵlıwmat berdi.
Ótkerilgen ushırasıwda isbilermenler tárepinen búgingi kúni ushırasıp atırǵan mashqalalar hám usınıslar bildirilip, olardı sheshiw boyınsha juwapker shólkemlerdiń basshılarına tiyisli tapsırmalar berildi.
Ilaj juwmaǵında ıssıxana jumısın jáne de rawajlandırıw, jańa investiciyalardı tartıw hám aldınǵı sırt el tájiriybelerin engiziw boyınsha kelisimlerge erisildi.

Qaraqalpaqstan xabar agentligi.