Sońǵı jılları húrmetli Prezidentimizdiń Qaraqalpaqstanǵa ayrıqsha itibarı menen barlıq tarawlarda keń kólemli ilajlar ámelge asırılmaqta.

Bul baǵdarda elimizdiń turizm potencialınan elede nátiyjeli paydalanıw, jańa joybarlardı ámelge asırıw boyınsha áhmiyetli baslamalar kóterilip, jańa imkaniyatlar iske salınıp atır.
Prezidentimizdiń Qaraqalpaqstanǵa bolǵan saparı dawamında berilgen tapsırmalarǵa tiykar Doslıq kanalınıń Nókis rayonı aymaǵınan ótiwshi bóleginde jańa joybar qurılısı baslanıw aldında tur.
Ulıwma bahası 101 mlrd. sum, sonnan 45 mlrd. sum byudjet qarjıları, 56 mlrd. sum investorlar qarjıları esabınan qurılatuǵın joybar sheńberinde kanal boyında «Aqmanǵıt Turist» xalıqtıń seyil etiw ornı shólkemlestiriliwi rejelestirilgen. Onda 24/7 túrinde xızmet kórsetiwshi hám kewil ashar orınlar, kanat jolı, akva parkler, balalar maydanshaları, dem alıw hám sawda orınları, zoopark, at shabar maydanı, jaylastırılıwı belgilengen.

Qaraqalpaqstan xabar agentligi