Elimizde noyabr ayı “Kekseler turizm aylıǵı” múnásibeti menen bul ayda kekselerimizdiń dem alıs waqıtların qızıqlı hám mazmunlı shólkemlestiriw, aymaqlar boylap ishki turizm baǵdarında sayaxatlarǵa tartıw maqsetinde bir qatar ilajlar ámelge asırılmaqta.

Atap aytqanda, “Nuranıy” qorınıń Qaraqalpaqstan Respublikası bólimi qáwenderliginde usı maqsette Beruniy rayonınan 50 nuranıy ata hám analar ushın Xorezm wálayatınıń tariyxıy Xiywa qalasına sayaxat shólkemlestirildi.
Sayaxat dawamında kekseler Xiywa qalasınıń “Iyshan qala” tariyxıy kompleksindegi 1830-1838-jıllardaǵı “Tas háwli sarayı,” “Húkimdar hám shayır” muzeyi, “Pahlavon Mahmud” maqbarası, “Qaytarmıs ata” zıyarat etiw ornı hám jańadan qurılǵan Arda Xiywa menen tanıstı.
Olar ushın mádeniy baǵdarlamalar hám dem alıw ushın qolaylı sharayatlar jaratıldı. Shólkemlestirilgen bul sayaxat kekselerdiń dem alıwı, tariyxıy hám mádeniy miyrasımız benen jaqınnan tanısıwı jáne olarǵa bolǵan itibar hám húrmettiń jáne bir ámeliy kórinisi boldı.

Qaraqalpaqstan xabar agentligi