Ellikqala rayonındaǵı “Sarabiy” awıl puqaralar jıyını aymaǵında “Ellikqala altın talshıǵı klasteri” juwapkershiligi sheklengen jámiyeti tárepinen tayar trikotaj ónimlerin islep shıǵarıw joybarı iske túsirildi.

Ulıwma bahası 17 mlrd. sumnan zıyat bolǵan bul joybar sheńberinde sırt eller – Germaniya, Túrkiya hám Qıtay mámleketlerinen úskeneler alıp kelinip, ornatılǵan.
Búgingi kúnde bul jerde 450 jańa jumıs ornı jaratılǵan.
Usı jerde isleytuǵın hayal-qızlar rayonnıń shetki aymaqlarına da sanaat kirip kiyatırǵanınan, úylerine jaqın jerde usınday zamanagóy kárxanada jumıs islep atırǵanınan ırzalıǵın bildirdi.
Álbette, jańa jumıs orınların jaratıwǵa baǵdarlanǵan bunday joybarlar ekonomikamızdıń rawajlanıwına da múnásip úles qosadı.

Qaraqalpaqstan xabar agentligi.