Májbúriy orınlaw byurosı Qońırat rayonı bóliminiń is júrgiziwinde bolǵan, Puqaralıq isleri boyınsha Qońırat rayonlar aralıq sudınıń 2023-jıl 18-dekabrdegi orınlaw hújjetine tiykarlanıp óndiriwshi E.A paydasına tárbiyasındaǵı úsh perzentiniń támiynatı ushın qarızdar N.N.dan aliment óndiriw belgilengen.

Usı orınlaw hújjetiniń orınlanıwın támiyinlew maqsetinde qarızdardıń jasaw mánziline barılǵanda, qarızdar bul mánzilde joq ekenligi, jaqın tuwısqanınıń kórsetpesine bola ol Tashkent qalasına ketkenligi anıqlanǵan.
Sol sebepli, oǵan qarsı Májbúriy orınlaw byurosı Qońırat rayonı bólimi mámleketlik orınlawshısı tárepinen izlew járiyalanǵan.
Búgingi kúnge kelip qarızdar I.Knıń aliment tólemlerinen qarızdarlıǵı 19 million sumnan asıp ketken.
Qarızdar usı jıldıń 5-noyabr kúni Tashkent qalasınan kelgen hám óndiriwshi E.A.ǵa telefon arqalı baylanısıp, aliment tólewdi tamamlap birge jasaw tilegin bildirgen. Bul haqqında óndiriwshi Májbúriy orınlaw byurosı Qaraqalpaqstan Respublikası basqarması izlew sektorı xızmetkerlerine xabar berip, qarızdarǵa nızamlı shara kórip beriwin soraǵan.
Sonda Byuronıń Qaraqalpaqstan Respublikası basqarması izlew sektorı xızmetkerleri hám bólim mámleketlik orınlawshısı tárepinen qarızdardı uslap qalıw rejesi dúzilip, óndiriwshige qarızdarǵa qońıraw etip, gúmansız jarasıw niyeti bar ekenligin, bul ushın ol jasap atırǵan mánziline keliwi kerek ekenligin aytıw tapsırılǵan.
Rejege bola óndiriwshi qarızdarǵa qońıraw etip, onı usı jıldıń 6-noyabr kúni Xojeli rayonındaǵı jasaw mánziline shaqırıp alǵan.
Qarızdar N.N. óndiriwshiniń qasına keliwden-aq Byuronıń Qaraqalpaqstan Respublikası basqarması izlew sektorı xızmetkerleri tárepinen irkiwge alınǵan hám aliment tólemlerin tólewden bas tartıp kelgenligi sebepli oǵan tiyisli tártipte hákimshilik jaza ilajın sheshiw maqsetinde Byuronıń Qońırat rayonlıq bólimine jetkerilgen.

Qaraqalpaqstan xabar agentligi