Prezident Shavkat Mirziyoevtiń medicina hám farmacevtika xızmetkerleri menen ushırasıwı dawam etpekte.
Kelesi jıldan barlıq medicina joqarı oqıw orınlarında joqarı miyirbiykeshilik jumısı baǵdarı ashıladı hám kvota eki esege, 2027-jıldan bolsa keminde jigirma procentten arttırıp barıladı.

Bunnan maqset – jaqın jıllarda joqarı maǵlıwmatlı miyirbiykelerdiń úlesin 10 procentke jetkeriw.
Joqarı maǵlıwmatqa iye, shıpaker menen birge turatuǵın bunday miyirbiykelerdiń miyneti múnásip xoshametlenedi. Kelesi jıldan joqarı maǵlıwmatlı miyirbiykelerdiń miynet haqısına 100 procent ústeme beriledi.
Sonıń menen birge, orta maǵlıwmatlı miyirbiykelerdi tayarlaw sisteması da ózgertiledi.
Bul baǵdarda Angliyanıń “Pirson” kompaniyası menen hár bir aymaqtaǵı birewden texnikumda xalıqaralıq standart tiykarında miyirbiykelerdi tayarlaw baslandı. Bunıń dawamı sıpatında Germaniya, Shveycariya, AQSh sıyaqlı mámleketlerdiń bilimlendiriw baǵdarlamaları alıp kelinedi.

ÓzA