Qońırat rayonında awıl xojalıǵı jer maydanlarınan nátiyjeli paydalanıw, gúzgi súrim hám lazerli tegislew processlerin ámeliy úyreniwge arnalǵan seminar bolıp ótti.

Onda rayonı hákimi B.Madaminov, Qaraqalpaqstan Respublikası Ministrler Keńesi Baslıǵınıń orınbasarı – Awıl xojalıǵı ministri Sh.Teshaev, tiyisli taraw basshıları, awıl xojalıǵı bólimi qánigeleri, agronomlar hám fermerler qatnastı.
Seminar dawamında jerlerdiń strukturasın jaqsılaw, gúzgi súrimniń abzallıqları, aldaǵı egis máwsiminde joqarı zúráát alıw boyınsha ámeliy usınıslar berildi. Sonday-aq, aymaqta topıraq ónimdarlıǵın arttırıw, shorlanıw procesin azaytıw hám lazerli tegislew arqalı jer resurslarınan nátiyjeli paydalanıw boyınsha wazıypalar belgilep alındı.

Qaraqalpaqstan xabar agentligi