Mámleketimizde noyabr ayınıń ekinshi ekshembisi denawlıq saqshıları bolǵan Medicina xızmetkerleri kúni sıpatında keńnen belgilenip, taraw pidayılarına sıy-húrmet kórsetiledi.

Qaraqalpaqstan Respublikası AIJSqa qarsı gúresiw orayında usı sáne múnásibeti menen saltanatlı bayram ilajı bolıp ótti.
Onda oray bas shıpakeri Djamila Madreymova, kásiplik awqam shólkemi baslıǵı Gúlayım Xabipovalar ilaj qatnasıwshıların kásiplik bayram menen qutlıqlap, sońǵı jılları elimizde Húrmetli Prezidentimizdiń arnawlı párman hám qararları tiykarında medicina tarawında ámelge asırılıp atırǵan reformalardı maqtanısh penen atap ótti hám bul qolaylıqlardan nátiyjeli paydalanıw zárúrligine toqtaldı.
Bayram ilajında orayda kóp jıllardan beri islep kiyatırǵan taraw aldınǵılarına oraydıń Húrmet jarlıqları hám estelik sawǵaları saltanatlı túrde tapsırıldı.
Óz gezeginde sıylıqlanǵanlar da ózlerine kórsetilgen húrmet-izzet ushın shólkemlestiriwshilerge minnetdarshılıqların bildirip, tarawdıń rawajlanıwı jolında ele de ayanbastan xızmet ete beretuǵınlıǵın aytıp ótti.

Qaraqalpaqstan xabar agentligi