Ózbekstan Respublikası Prezidentiniń 2025-jıl 1-apreldegi PQ-132-sanlı qararı menen tastıyıqlanǵan Qońırat rayonın 2025-2026-jıllarda jedel kompleksli rawajlandırıw baǵdarlaması tiykarında rayonda keń kólemli jumıslar alıp barılmaqta.

Usı baǵdarlama sheńberinde rayonda paydalanıwdan shıqqan eski PHAJ imaratı rekonstrukciyalanıp, onıń ornında zamanagóy “IT-orayı” hám “Muhammad al-Xorezmiy miyrasxorları” joybarı ushın innovaciyalıq bilimlendiriw maydanı shólkemlestirilmekte. Bul joybar “KONA QAL’A MANGIT” JShJ tárepinen ámelge asırılmaqta. Joybardıń bahası 1 milliard 856 million sumdı quraydı.
Bul oray jaslar ushın jańa imkaniyatlar jaratıwǵa xızmet etedi. Joybardan gózlengen tiykarǵı maqset – zamanagóy málimleme texnologiyaların tereń úyretiw, jaslardı IT tarawına keńnen tartıw, olardıń básekige shıdamlı kásip hám kónlikpelerdi iyelewin qollap-quwatlaw bolıp esaplanadı.

Qaraqalpaqstan xabar agentligi