Saudiya Arabstanınıń paytaxtı Ar-Riyod qalasında VI Islam tileklesligi oyınlarınıń rásmiy ashılıw máresimine bir kún qalǵanda baǵdarlamaǵa muwapıq ayırım sport túrlerinde jarıslar qızǵın dawam etpekte.

Sonıń ishinde, futzalshılar álleqashan dáslepki oyınlardı ótkergen bolsa, búgin, 6-noyabrden boks boyınsha bir qatar salmaq kategoriyalarında saylap alıw jarısları shólkemlestiriledi.
Búgin futzalshılarımız Ázerbayjan saylandı komandası menen 2-tur ushırasıwın ótkeredi. Shek taslawdıń nátiyjelerine bola, 3 boksshımız sherek final bellesiwlerinde ringke shıǵadı.
Búgin sonday-aq, Islam tileklesligi oyınlarında milliy sport túri boyınsha kórgizbeli jarıslar shólkemlestiriledi.
Gúres bellesiwlerinde er adamlar -66, -81 kilogrammda, hayal-qızlar -57 hám -70 kilogramm salmaqta bellesedi.
Ózbekstan saylandı komandası trenerleri Rizamat Soliev hám Dilfuza Rahmatova trenerligindegi 4 sportshımız gúres bellesiwlerinde Watanımızdıń abırayın qorǵaydı.
Esletip ótemiz, 57 mámlekettiń 4 mıńǵa shamalas sportshılarınıń qatnasıwındaǵı Islam tileklesligi oyınları 21-noyabrge shekem dawam etedi.

Twlqin Rwziev, ÓzA