Házirgi waqıtta jas shańaraqlardıń baxıt toyına qızdıń tuwısqanları tárepinen toyǵa sawǵa dep bir dúnya mal-múlk beriw dástúrge aylanǵan.

Biraq turmısı kelispegen jaslar arasında baqlanıp atırǵan ajırasıwlardan soń kúyew tárepinen kelinge qosıp berilgen mal-múlklerdi qaytarmaw jaǵdayları da joq emes. Bunday jaǵdaylarda kelinge berilgen sawǵa mal-múlklerdi qaytarıw máselesi sud tártibinde sheshilip, Májbúriy orınlaw byurosı uyımları tárepinen alıp beriledi.
Máselen, puqaralıq isleri boyınsha Qaraqalpaqstan Respublikası Ámiwdárya rayonı sudınıń usı jıldıń 26-sentyabrdegi orınlaw hújjetine tiykarlanıp, dawager J.X.ǵa juwapker E.B.dan onıń jasaw mánzilinde turǵan 27 million sumnan artıq 52 atamadaǵı sawǵa mal-múlkin alıp beriw belgilengen. Usı hújjet tiykarında Májbúriy orınlaw byurosı Ámiwdárya rayonı bólimi xızmetkerleri tárepinen orınlaw háreketlerine kirisildi.
Atap aytqanda, orınlaw hújjetiniń orınlanıwın támiyinlew maqsetinde bólim xızmetkerleri tárepinen juwapkerdiń jasaw mánziline barıldı. Kórsetilgen qarsılıqlarǵa qaramastan 52 atamadaǵı barlıq sawǵa mal- múlk dawager J.X.ǵa alıp berilip, sud qararınıń orınlanıwı ámelde támiyinlengen.

Qaraqalpaqstan xabar agentligi