Tashkentte Ózbekstan jaslar awqamınıń juwapkerleri hám Túrkiyanıń Xalıqaralıq jaslar awqamı delegaciyasınıń ushırasıwı bolıp ótti.

Ushırasıw dawamında miymanlar Ózbekstan jaslarınıń siyasiy, sociallıq hám mádeniy belsendiligin arttırıwǵa qaratılǵan joybarlar menen jaqınnan tanıstı. Mámleketimizde jaslar siyasatı tarawında ámelge asırılıp atırǵan reformalar, jaslar ushın jaratılǵan imkaniyatlar hám perspektivalı baslamalar haqqında tolıq maǵlıwmatqa iye boldı.
Ilaj dawamında Ózbekstan jaslar awqamı Oraylıq Keńesi, Ózbekstan pútkil jer júzilik jaslar associaciyası hám Xalıqaralıq jaslar awqamınıń wákilleri arasında eki tárepleme birge islesiw baylanısların bunnan bılay da bekkemlew, birgeliktegi baǵdarlama hám joybarlardı jolǵa qoyıw máseleleri dodalandı.
Sonday-aq, tárepler jaslar siyasatı, innovaciyalıq ideyalar almasıwı, xalıqaralıq volontyorlıq baǵdarlamaları, mádeniy-aǵartıwshılıq joybarlar jáne bilimlendiriw hám media tarawlarında birge islesiw boyınsha óz-ara kelisimge eristi. Ushırasıw juwmaǵında Xalıqaralıq jaslar awqamınıń wákilleri Ózbekstanda jaslar ushın jaratılǵan sharayatlar menen imkaniyatlardı joqarı bahalap, bul baǵdarda Túrkiya hám Ózbekstan jasların birlestiretuǵın birgeliktegi baslamalardı ámelge asırıw tilegin bildirdi.

Gulnoza Boboeva, ÓzA