Shımbay rayonında Ózbekstan Respublikası Oliy Majlisi Senatınıń xalıqaralıq qatnasıqlar, sırtqı ekonomikalıq baylanıslar, sırt el investiciyaları hám turizm máseleleri komitetiniń baslıǵı Alisher Agzamxodjaevtıń rayon basshıları, jergilikli Keńes deputatları hám isbilermenler menen ushırasıwı bolıp ótti.

Ushırasıwda senator A. Agzamxodjaev Prezidentimizdiń arnawlı párman hám qararları tiykarında Qaraqalpaqstan Respublikasında ámelge asırılıp atırǵan jumıslar haqqında bayanat jasadı.
Sonday-aq, ushırasıwda rayonda bilimlendiriw tarawı hám densawlıqtı saqlaw sistemasın eń aldınǵı sırt el tájiriybesi tiykarında reformalaw, medicinalıq xızmettiń sapasın jaqsılaw, birlemshi medicinalıq járdem kórsetiwdiń zamanagóy sistemasın qáliplestiriw hám tarawǵa jańa basqarıw principlerin engiziw máseleleri keńnen dodalandı.
Ótkerilgen ilaj dawamında Xalıq deputatları rayonlıq Keńes deputatları da ózleriniń pikir-usınısların bildirip, bul boyınsha senatordıń pikirin tıńladı.

Qaraqalpaqstan xabar agentligi