Puqaralıq isleri boyınsha Qońırat rayonlararalıq sudınınıń 2025-jıl 28-fevraldaǵı orınlaw hújjetine bola, qarızdar K.Sh. esabınan óndiriwshi «Biznesti rawajlandırıw banki» akcionerlik kommerciyalıq banki paydasına jámi 282 million 500 mıń sum kredit qarızdarlıǵın óndiriw belgilengen.

Usı orınlaw hújjeti Májbúriy orınlaw Byurosınıń Qaraqalpaqstan Respublikası Ayrıqsha áhmiyetke iye orınlaw ilajların orınlaw bólimi is júrgiziwine kelip túsip, bólimniń xızmetkerleri tárepinen orınlawǵa kirisilgen.
Usı qarızdarlıq boyınsha qarızdarǵa bir neshe márte eskertiw berilgenine qaramastan, qarızdarlıq tólenbegeni sebepli qarızdarǵa tiyisli «JETOUR DASHING» markalı avtotransport quralı xatlawǵa alındı hám elektron onlayn-aukcion sawda maydanı arqalı satıwǵa shıǵarıldı.
Aukcion sawdasında avtomashina barı-joǵı 222 million 138 mıń sumǵa satılıp, túsken pullar bankke ótkerilgen.

Qaraqalpaqstan xabar agentligi.