Ózbekstan Respublikası Prezidentiniń 2025-jıl 13-oktyabrdegi “Suw tarawın sanlastırıw procesin bunnan bılay da jedellestiriw hám turaqlı rawajlandırıw ilajları haqqında”ǵı pármanı qabıl etilip, usı pármanda belgilengen wazıypalardı sistemalı shólkemlestiriw maqsetinde Qaraqalpaqstan Respublikası Suw xojalıǵı ministrligi tárepinen usı jıldıń 30-oktyabrinen “Áhmiyetli bir aylıq” járiyalandı.

Házirgi waqıtta suw xojalıǵı obektlerine ornatılǵan sanlı qurılmalar hám suw ólshew qurallarınan paydalanıwdıń nátiyjeliligin bunnan bılay da arttırıw boyınsha ilajlar ámelge asırılmaqta.
Suw xojalıǵı ministrligi tárepinen házirgi waqıtta rayonlardaǵı suw xojalıǵı obektlerine ornatılǵan sanlı qurılmalar hám suwdı ólshew quralları, meliorativ qudıqlardaǵı “Diver” nasos agregatlarındaǵı elektr hám suwdıń jumsalıwı boyınsha maǵlıwmat uzatatuǵın “Onlayn qurılmalar”dıń barlıǵınıń jaǵdayı úyrenilip, átirapı abadanlastırılmaqta.
Sonday-aq, qurılmalardıń baǵanaları boyalıp, sanlı qurılmalardan ministrliktiń serverine maǵlıwmatlar uzatılatuǵını tekserilmekte.
Bul baǵdardaǵı ilajlar orınlarda dawam etpekte.

Qaraqalpaqstan xabar agentligi