Ózbekstanda qorshaǵan ortalıqtı qorǵaw hám shıǵındılardı nátiyjeli basqarıw baǵdarında ámelge asırılıp atırǵan jumıslar nátiyjesinde 42 turmıslıq shıǵındı poligonınıń jumısı saplastırıldı. Bul arqalı derlik 90 gektar jer maydanı tábiyatqa qaytarıldı.

Bul jumıslar Shıǵındılardı basqarıw hám cirkulyar ekonomikanı rawajlandırıw agentligi janındaǵı Shıǵındı poligonların basqarıw direkciyası tárepinen respublika kóleminde alıp barıldı. Atap ótiw kerek, 2024 hám 2025-jıldıń ótken dáwiri dawamında Qaraqalpaqstan Respublikası, Ándijan, Buxara, Qashqadárya, Namangan, Samarqand, Tashkent, Ferǵana hám Xorezm wálayatlarında jámi 47 turmıslıq shıǵındı poligonı rekultivaciyalandı hám topıraq qatlamı menen jabıldı.
Usı jıldıń basınan berli respublika boyınsha 18 (81,68 gektar) turmıslıq shıǵındı poligonında rekultivaciya hám topıraq penen bastırıw jumısları ámelge asırılıwı rejelestirilgen bolıp, bul process tolıq juwmaqlandı.
Jámi 185 shıǵındı poligonınan 47 inde qayta tiklew jumısları ámelge asırıldı. Jabılǵan 42 shıǵındı poligonı nátiyjesinde 90 gektardan aslam jer maydanı tábiyǵıy jaǵdayına qaytarıldı, bul bolsa ekosistemanı tiklew hám xalıqtıń salamatlıǵın qorǵawda úlken áhmiyetke iye.

Kamola Yusupova, ÓzA