Qıtay Xalıq Respublikası Baslıǵı Si Czinpin hám AQSh Prezidenti Donald Tramp arasındaǵı ushırasıw Qubla Koreyanıń Pusan qalasında bolıp ótti. Tramp Vashington hám Pekin uzaq múddetli “ájayıp qatnasıq” ornatatuǵının járiyaladı.

– Búgin kóp jıllıq dostım, húrmetli Qıtay basshısı menen ushırasıw men ushın maqtanısh, – dedi Aq úy basshısı. – Biz izbe-iz sóylesiw alıp baramız. Menińshe, álleqashan ayırım máselelerdi sheshtik hám endi jáne kóp temalar boyınsha kelisimge erisemiz. Baslıq Si ullı mámlekettiń ullı basshısı.
Ol tárepler sawda boyınsha da til tabısıwı múmkin ekenin qosımsha etti.
Óz gezeginde, QXR jetekshisi de áhmiyetli sawda hám ekonomikalıq kelispewshiliklerdi sheshiw boyınsha birdey pikirge kelingenin atap ótti. Onıń pikirinshe, Qıtay hám AQSh bir-biriniń tabısına járdemlesiw hám ulıwmalıq abadanlıqqa erisiwge uqıplı. Sonday-aq, Si Czinpin Tramptıń Jaqın Shıǵısta jáne Kambodja hám Tailand arasında tınıshlıq ornatıwǵa qaratılǵan háreketin joqarı bahaladı. Qıtay hám Qurama Shtatlar eki mámleket hám dúnya mápi ushın jáne de mazmunlı, ámeliy hám paydalı maqsetlerge erisiw ushın birgelikte islesiwi múmkin ekenligin atap ótti.
Sonıń menen birge Pekin hám Vashington “hár qıylı milliy sharayatlarǵa iye bolǵanlıǵı sebepli, Qıtay hám Qurama Shtatlar arasındaǵı kelispewshilik tábiyiy jaǵday” dedi. Sonıń menen birge, CHin mámleketiniń rawajlanıwı “Amerikanı jáne ullı etiw” kózqarasına qayshı kelmeytuǵının atap ótti.

S.Rahimov, ÓzA