Házirgi kúnleri Baxreyn paytaxtı Manama qalasında jas óspirimler arasında III Aziya oyınları bolıp ótpekte.

Onda mámleketimiz sport delegaciyası da tabıslı qatnasıp, 19 altın, 5 gúmis hám 17 qola medaldı qolǵa kirgizip, ulıwma komandalıq esapta qıtaylı jaslardan soń ekinshi orındı iyelep kelmekte.
Ásirese, 28-oktyabr kúni ótkerilgen bellesiwler sportshılarımız ushın oǵada áwmetli kelip, usı kúni sportshılarımız 5 altın hám 8 qola medaldı jeńip alıwǵa miyasar boldı.
Quwanıshlı tárepi sonda, olar arasında qaraqalpaqstanlı sportshılardan Ulbosın Jalǵasbaeva 66 kg salmaqta boks, Mehribanu Qudaynazarova 46 kg salmaqta hayal-qızlar gúresi boyınsha qola medalların qolǵa kirgiziwge eristi.
Házirgi waqıttta jarıslar dawam etpekte.

Adilbay Orazov,
Qaraqalpaqstan xabar agentligi sholıwshısı