Shanash – uzın trapeciya kórinisindegi teriden islengen naǵıslı qaltashalar. Olar buzawdıń terisine kórkemlep islew beriw arqalı tigiledi. Uzınlıǵı 90-92 santimetr, eni 26 santimetr bolıp, awız tárepi hár qıylı reńdegi jipek sabaqlar menen kestelenedi. Ushları pópekler menen bezelgen. Awzındaǵı bawı járdeminde qara úydiń keregesine qıstırıp qoyılǵan.
Shanashqa sók, un, jarma, quwırılǵan tarı usaǵan azıqlıq zatlar salıp qoyılǵan. Shanashtıń aldı tárepine juqa teri yamasa ushıǵadan geometriyalıq hám shaq tárizli naǵıslar tigilgen.
Shanashtıń bir úlgisi Rossiya Etnografiyalıq muzeyinde saqlanıp kelinbekte.

Qaraqalpaqstan xabar agentligi