Tariyxıy, mádeniy tamırları birdey bolǵan ózbek, qırǵız hám tájik xalıqları birge jasap, óz-ara tuwısqanlıq baylanısları rawajlanıp kelmekte.

Ózbekstan, Qırǵızstan hám Tájikstan Respublikaları arasında úsh mámlekettiń mámleketlik shegaraları tutasqan noqat haqqındaǵı shártnama ratifikaciyalanbaqta.
Bul másele Oliy Majlis Nızamshılıq palatasındaǵı Xalıq demokratiyalıq partiyası frakciyasınıń gezektegi májilisinde dodalandı.
Atap ótiliwinshe, bul shártnamanıń kúshke kiriwi nátiyjesinde úsh mámleket puqaraları arasındaǵı baylanıslar jáne de jedellesedi, shegara aldı aymaqlarda sawda kólemi artıp, jańa infrastruktura joybarları ámelge asırıladı hám jumıs orınları jaratıladı. Bul bolsa shegaralas aymaqlarda jasaytuǵın xalıqtıń turmıs dárejesin arttırıwǵa xızmet etedi.
Deputatlar Oraylıq Aziyada integraciyalıq processler barǵan sayın kúsheyip atırǵanın atap ótip, bul shártnama da tariyxıy, mádeniy hám milliy tamırları birdey bolǵan xalıqlarımızdıń jáne de jaqınlasıwına hám óz-ara isenimniń bekkemleniwine xızmet etetuǵının atap ótti.
Frakciya aǵzaları shártnama joybarın qollap-quwatladı.

ÓzA