Rossiya Qurallı Kúshleri “Burevestnik” yadrolıq raketası sınaqtan ótkerilgenin málim etti. Prezident Vladimir Putinniń atap ótiwinshe, bul úlken jetiskenlik, bunday “ózine tán qural dúnyada joq”. Bul haqqında Evronews xabar berdi.

Rossiya Federaciyası Qurallı kúshleri Bas shtabınıń baslıǵı Valeriy Gerasimovtıń aytıwınsha, 22-oktyabr kúni “Burevestnik” yadrolıq raketa sınaǵı ámelge asırılǵan. Xabarlarǵa bola, raketa 15 saat dawamında hawada bolıp, 14 000 kilometr aralıqtı basıp ótken.
TASS málimleme agentligi raketa 2001-jıl dekabrde jaratıla baslanǵan. Bul boyınsha mámleket Qorǵanıw ministrligi tómendegilerdi bildiredi:
– Jańa strategiyalıq qural sistemasın jaratıw qorǵanıw qábiletin arttırıw, Rossiya hám awqamlaslarǵa qarsı agressiyanıń aldın alıwǵa qaratılǵan.
Putin jer júzinde yadrolıq dvigatel menen úskenelengen “Burevestnik” qanatlı raketasınıń teńi-tayı joq ekenligin atap ótti. Bul bildiriwdi ol Birlesken áskerler toparı basqarıw orayına saparı waqtında berdi.
– Mende tarawǵa baylanıslı esabat bar hám bul raketa haqıyqatında da dúnyada teńi-tayı joq, ózine tán qollanba, – dedi RF jetekshisi. – Yadımda, biz bul qural ústinde jumıs alıp barıp atırǵanımızdı aytqanımızda, hátteki, joqarı maman qánigeler “Ideya jaqsı, biraq jaqın tariyxıy keleshekte bunı ámelge asırıp bolmaydı”, degen edi.
TASStıń maǵlıwmatına bola, Pentagon “Burevestnik” raketası uzaq aralıqqa ushıwı hám erkin háreketleniw qábileti sebepli, derlik, hár qanday platformadan soqqı beriw imkaniyatına iye ekenin tán alǵan.

Kenja Bekjonov, Anvarxwja Ahmedov, ÓzA