Keyingi jıllarda ekonomikanıń barlıq iri tarmaqlarında unamlı nátiyjeler atap ótildi. Xızmetler tarawı hám qurılıstaǵı joqarı pátler JIÓ ósiwine tiykarǵı úles qosqan bolsa, sanaat hám awıl xojalıǵında da turaqlı ósiw baqlandı.

Milliy statistika komitetiniń maǵlıwmatlarına bola, 2025-jıldıń yanvar-sentyabr aylarında Ózbekstannıń jalpı ishki ónimi (JIÓ) kólemi aǵımdaǵı bahalarda 1 303 702,1 trillion sumdı quradı. Bul kórsetkish ótken jıldıń usı dáwirine salıstırǵanda 7,6 procentke ósiwdi ańlatadı.
Tarmaqlar boyınsha ósiw dinamikası:
Sanaat tarawında ósiw páti 6,8 procent bolıp, JIÓ ósiwine 1,7 procent úles qostı.
Awıl, toǵay hám balıqshılıq xojalıǵında ósiw 3,6 procentti quradı hám ulıwma ósiwge 0,6 procent punkt úles qostı.
Qurılıs tarawında belsendilik joqarı dárejede saqlanıp, kólem 14,2 procentke arttı. Bul JIÓ ósiwine 1,0 procentlik punkt úles qostı.
Xızmetler tarawındaǵı ósiw 8,7 procentti quradı.
Sonıń ishinde:
sawda, jasaw hám awqatlanıw xızmetleri – 10,6%,
transport, saqlaw, málimleme hám baylanıs xızmetleri – 14,6%,
basqa xızmetler – 6,4%.
Bul tarawdıń JIÓ ósiwine ulıwma úlesi 4 procent punktti quradı.
Salıqlar úlesi
Ónimlerge sap salıqlar kólemi 6,9 procentke ósti hám JIÓ ósiwine 0,3 procentlik punkt unamlı tásir kórsetti.

Hamroz Bayanov, ÓzAnıń xabarshısı