“Nókis xalıqaralıq aeroportı”nda “ID” mobil qosımshası imkaniyatları úgit-násiyatlanbaqta.

Bajıxana xızmetkerleri tárepinen sırt elden ushıp kiyatırǵan hám ushıp ketip atırǵan jolawshı puqaralarǵa Jolawshı bajıxana deklaraciyasın mobil qosımsha arqalı toltırıw imkaniyatı jaratılǵanlıǵı hám onnan paydalanıw tártibi haqqında túsinikler berildi.
“Jolawshı-deklaraciyası” atlı mobil qosımshanı post aymaǵındaǵı QR-kod arqalı yamasa Google Play App Storeden júklep alıwı múmkin ekenligi aytıldı.
Sonday-aq, bajıxana tarawında qabıl etilip atırǵan jańa nızam hújjetleriniń tártibi hám huqıqbuzarlıqlardıń kelip shıǵıwınıń aldın alıw hám korrupciyaǵa qarsı gúresiw baǵdarında profilaktikalıq jumıslar alıp barılıp, puqaralarǵa korrupciya jaǵdaylarına gúwa bolıw jaǵdaylarında yamasa bajıxana xızmetkeriniń dámegóylik, óz lawazım wákilliginen materiallıq mápdar bolıw maqsetinde paydalanıw jaǵdaylarına dus kelse, Bajıxana komitetiniń 1108 qısqa hám Qaraqalpaqstan Respublikası bajıxana basqarmasınıń (61) 224-90-86 isenim telefon nomerlerine qońıraw etip xabar beriwleri soraldı.
Jolawshılar da óz gezeginde qánigelerden ózlerin qızıqtırǵan sorawlarǵa juwap aldı.

Qaraqalpaqstan xabar agentligi