Franciya ǵalaba xabar quralları jaqında Luvr muzeyinde júz bergen urlıqta eki gúmanlanıwshı qamaqqa alınǵanı haqqında xabar tarqattı.

Olardan biri 25-oktyabr kúni keshte Parijdegi Sharl de Goll aeroportında qamaqqa alınǵan. Ol Aljirǵa ushıwǵa tayarlanıp atırǵan bolǵan. Ekinshisi bolsa, úlke paytaxtı shetindegi Sena-Sen-Deni aymaǵında policiya tárepinen qamaqqa alınǵan.
Bul urlıqqa baylanıslı tórt gúmanlanıwshı izlenbekte. Olardan ekewi muzeyge júk kóteriwshi mashina járdeminde kirgen, qalǵan ekewi bolsa olardıń qashıwına járdem bergen.
“The Telegraph” gazetası aldınıraq, muzey qáwipsizlik xızmetkeri urılar menen baylanısıp, olarǵa qáwipsizlik sistemasındaǵı maǵlıwmatlardı jetkergenin xabar bergen edi.
Muzeydegi urlıqta eki gúmanlanıwshı qamaqqa alınǵannan keyin, Franciya prokurorı Bekko tergew haqqındaǵı maǵlıwmatlardıń tarqalıwınan ashıwlanǵanın ayttı. Onıń sózlerine bola, qamaqqa alıwlardı múddetinen aldın járiyalaw «urlanǵan zergerlik buyımları hám qalǵan topar aǵzaların izlewdegi háreketlerge kesent etiwi múmkin».

S.Rahimov, ÓzA