Korrupciyanıń hár qanday kórinisi rawajlanıwǵa tosqınlıq etedi, jámiyetti artqa tartadı. Sonlıqtan rawajlanıp atırǵan mámleketlerde bul illetke qarsı keskin ilajlar kórilmekte.

Sonıń ishinde, Ózbekstanda oǵan qarsı mawasasız gúres alıp barılmaqta. Soǵan bola, ministrlikte de “huqıqıy eksperiment” sheńberinde bir qatar salmaqlı jumıslar ámelge asırılmaqta.
Densawlıqtı saqlaw sistemasında byudjet qarjılarınıń maqsetsiz jumsalıwı, korrupciya jaǵdayların erte anıqlaw hám olardıń aldın alıwǵa qaratılǵan izbe-iz háreketler mısalında da bunı kóriw múmkin.
Usı jıldıń iyul halatına bola ministrlik sistemasınıń qarjı tarawındaǵı 1280 basshı xızmetkerdiń jumısında mápler soqlıǵısıwı hám nepotizm jaǵdayı anıqlanǵan. Bunday unamsız jaǵdaylardı anıqlaw hám saplastırıwda ministrliktiń Korrupciyaǵa qarsı ishki qadaǵalaw bóliminiń ornı salmaqlı bolmaqta, desek qáte bolmaydı. Onı struktura tárepinen házirgi waqıtqa shekem 567 usınday jaǵday anıqlanıp, óz waqtında saplastırılǵanı da tastıyıqlaydı.
Ulıwma, Densawlıqtı saqlaw ministrligi tárepinen korrupciyalıq háreketlerdi saplastırıw hám sistemada ashıq-aydınlıqtı támiyinlewge baylanıslı ilajlar izbe-iz dawam ettirilmekte.
Densawlıqtı saqlaw ministrliginiń eskertkenindey, eger medicina mákemelerinde korrupciya menen baylanıslı jaǵdaylar bar bolsa, bólimsheniń respublika boyınsha birden-bir bolǵan 1203 sanlı “Isenim telefonı” yamasa t.me/ssvantikor_bot telegram botına múrájat etiw múmkin. Múrájat etiwshiniń shaxsı qatań sır saqlanıwı kepillenedi.
Densawlıqtı saqlaw ministrligi hár qanday korrupciyalıq jaǵdayǵa mawasasız qatnasta bolıwda dawam etetuǵını hám puqaralardıń hár bir múrájatın itibardan shette qaldırmaytuǵını atap ótilgen.

ÓzA