Paytaxtımızdaǵı “Anhor Lokomotiv” parki aymaǵında “Ózbekstan-Qıtay: XIV – Sinczyan ónimleri kórgizbesi”niń saltanatlı ashılıw máresimi bolıp ótti.

Kórgizbe Ózbekstan Sawda-sanaat palatası hám Xalıqaralıq sawdanı rawajlandırıw keńesiniń Sinczyan wákilxanası tárepinen shólkemlestirildi.
Ilajdıń tiykarǵı maqseti – eki úlke arasındaǵı sawda-ekonomikalıq birge islesiwdi bunnan bılay da rawajlandırıw, kishi hám orta biznes wákillerine Sinczyan-Uyǵur regionında islep shıǵarılǵan ónimler, texnologiyalar hám úskeneler menen jaqınnan tanısıw imkaniyatın jaratıw, sonday-aq, eki eldiń isbilermen toparları arasında tikkeley birge islesiw baylanısların jolǵa qoyıwdan ibarat.
Kórgizbe sheńberinde agrosanaat, turmıslıq texnika, IT, konsalting, medicina sanaatı, azıq-awqat hám ishimlikler, shay islep shıǵarıw, qurılıs, toqımashılıq hám ximiya sanaatı, logistika hám energetika tarawlarındaǵı Qıtay kompaniyalarınıń stendleri kórsetilmekte.
Qatnasıwshılar arasında “Bingtian Intelligent Technology”, “Xinjiang Poplar Cable Manufacturing”, “Xinjiang Oulite Wire Mesh” sıyaqlı iri islep shıǵarıwshılar da bar.
Ashılıw máresimi sheńberinde bir qatar kelisimlerge erisilip, birge islesiw memorandumlarına qol qoyıw boyınsha sóylesiwler alıp barıldı.
Kórgizbe 23-oktyabr kúnine shekem dawam etedi.

M.Pirmatova, ÓzA