Tuqımgershilikti rawajlandırıw orayına qaraslı “Toshkent Best Seeds” tuqım tayarlaw kárxanasında jańa máwsim ushın tuqımlıq ǵálle partiyası tolıq tayar jaǵdayǵa keltirildi. Fermer hám diyqan xojalıqlarına ximiyalıq qayta islengen, 45-60 kúnlik yarovizaciya procesinen ótken, sertifikatlanǵan joqarı sapalı biyday sortları jetkerip berilmekte.

Atap aytqanda, Asr, Obod, Aziz, Gurd, Elanchik, Vassa, Ultra, Antonina jáne Temiryazov 150 hám Grom sortlarınıń tuqımlarına házirgi kúnde talap úlken.
Milliy statistika komitetiniń maǵlıwmatlarına bola, 2025-jıldıń yanvar-iyun aylarında respublika boyınsha jámi derlik 5,9 million tonna biyday jetistirilgen.
Bul kórsetkish 2024-jıldıń sáykes dáwiri menen salıstırǵanda 4,3 procentke artqan.
Respublikamız aymaqlarında jetistirilgen biyday kólemi boyınsha Ferǵana wálayatı jetekshilik etpekte.

ÓzA