Birlesken Arab Ámirliklerinde jáhán chempionatına tayarlıqtı dawam ettirip atırǵan Ózbekstan jas óspirimler saylandı komandası keshe Venesuelaǵa qarsı joldaslıq oyının ótkerdi.

Qızıqlı hám keskin ótken oyınnıń 29-minutında Venesuela U-17 saylandı komandası aǵzası David Garsiya esaptı ashqan bolsa, 86-minutta jerlesimiz Nurbek Sársenbaev penaltidi anıq ámelge asırıp, oyındaǵı esaptı teńlestiriwge miyasar boldı.
Bunnan soń eki komanda da dárwazalarǵa gol urıw ushın bir neshe márte háreket etti. Biraq, ushırasıwda esap ózgermesten qaldı.
Sonday-aq, bul oyında jáne bir jerlesimiz Aziz Erimbetov ta tiykarǵı quramda maydanǵa túsip, óziniń belsendiligi menen kózge tústi.

Adilbay Orazov,
Qaraqalpaqstan xabar agentligi sholıwshısı.