Beruniy rayonı «Ó.Jumaniyazov» máhálle puqaralar jıyını aymaǵındaǵı Rustam Xajıbaevtıń fermer xojalıǵı baǵshılıqqa qánigelesken bolıp, ulıwma 8,7 gektar jer maydanǵa iye. Sonnan 4 gektarına erik, 3 gektarına alma hám 1,5 gektarına ánar egilgen.

Xojalıqta tiykarınan ánardıń 6 túri jetistirilmekte. Hár bir gektardan 25-30 tonnaǵa shekem zúráát alınadı. Bul bolsa, xojalıqqa jılına 450-500 million sum dáramat keltirmekte.
Fermer xojalıǵında búgingi kúnde 10 turaqlı jumıs ornı jaratılǵan. Sonday-aq, ánar terimi hám onı kómiw máwsiminde kúnine 10-15 jas waqtınsha jumıs penen támiyinlenedi. Rezervte 8 tonna ánar, 1 tonna qaq erik, 6 tonna kapusta jıynalǵan. Sonday-aq, úshinshi zúráátke shalǵam egilgen.
Ónimler Beruniy rayonınan tısqarı qońsı rayonlardıń ishki bazarlarına da jetkerip berilmekte. Baǵshılıqtaǵı kóp jıllıq tájiriybeniń nátiyjesi bul tarawda jańa sortlardıń jaratılıwına tiykar bolmaqta.

Qaraqalpaqstan xabar agentligi