Túrkiya hám Túrkiy mámleketler shólkemi menen sońǵı jılları siyasiy-ekonomikalıq, bilimlendiriw hám mádeniy-gumanitarlıq birge islesiw jáne de jedellespekte.

“Rawajlanıw strategiyası” orayında Balikesir universiteti rektorı, professor Yujel Ogurlu menen ushırasıw bolıp ótti.
Onda oray basshısı Eldor Tulyakov túrkiyalı miymandı “Ózbekstan – 2030” strategiyası sheńberinde mámleketimizde ámelge asırılıp atırǵan reformalar menen tanıstırdı, delinedi “Rawajlanıw strategiyası” orayınıń maǵlıwmatında.
Professor Yujel Ogurlu 15-oktyabr kúni paytaxtımızda bolıp ótken Túrkiy mámleketler shólkemi janındaǵı Túrkiy universitetler awqamınıń 8-Bas Assambleyasında ózbek tilinde shıǵıp sóylegenin bildirip, sońǵı jılları sırt elde ózbek tilin úyreniwge qızıǵıwshılıq sezilerli dárejede artqanına itibar qarattı. Sonday-aq, ilim hám bilimlendiriw tarawındaǵı birge islesiw xalıqlarımız arasındaǵı baylanıslardı bekkemlewde ayrıqsha áhmiyetke iye ekenin atap ótti.
Ushırasıwda “Rawajlanıw strategiyası” orayı hám Túrkiyanıń abıraylı joqarı bilimlendiriw mákemeleri arasında baylanıslardı bunnan bılay da rawajlandırıw hám birgeliktegi jumıstı jedellestiriwge kelisip alındı.

ÓzA