“Ózbekstan ipotekanı qayta qarjılandırıw kompaniyası” akcionerlik jámiyeti 2025-jıldıń II shereginde mámlekette turaq jay bazarında belsendilik joqarı bolǵanın málim etti.

Kompaniya maǵlıwmatlarına bola, qayta qarjılandırılǵan portfel sheńberinde jámi 21 mıń 949 ipoteka krediti ajıratılǵan.
Kvartira bazarında eń kóp satıp alıwlar Tashkent qalasında ámelge asırılǵan – 4 mıń 913 kvartira satıp alınǵan.
Sonday-aq, Tashkent wálayatı, Nawayı wálayatı hám Qaraqalpaqstan Respublikası da jetekshi aymaqlar qatarında atap ótilgen. Háwli jaylar bazarında bolsa jetekshilikti Qaraqalpaqstan Respublikası (928) hám Xorezm wálayatı (797) saqlap tur. Sonıń menen birge, Ándijan, Tashkent wálayatı hám Ferǵana wálayatında da turaq jay satıp alıwlar sanı bir qansha joqarı bolǵan.
Turaq jay bazarındaǵı belsendilik mámleket boylap ipoteka kreditlew imkaniyatlarınıń keńeyiwi hám xalıqtıń turaq jay sharayatın jaqsılawǵa bolǵan qızıǵıwshılıǵı menen túsindirilmekte.

ÓzA